Plantun de Prouvènço

Pèr coumpara dos planto d'encò nostre

Vallisneria spiralis & Sporobolus cryptandrus

Erbo-di-frisoun

Vallisneria spiralis

Hydrocharitaceae

Àutri noum : Embuscun, Limoun.

Noms en français : Vallisnérie, Vallisnérie en spirale.

Descripcioun :
L'erbo-di-frisoun es uno planto diouïco que fai de coulounìo emé si fiéu ; li fueio soun verdo, longo, plato e larjo de 10 à 15 mm. Pèr li flour leissaren counta F. Mistral (Mirèio, cant V) "(...) l'erbeto di frisoun ; - A dos floureto, separado - Bèn sus dos planto, e retirado (...) - Mai quand vèn de l'amour pèr éli la sesoun - Uno di flour, touto souleto, - Mounto sus l'aigo risouleto - E laisso au bon soulèu espandi soun boutoun ; (...) - I'a l'autro flour qu'es trefoulido, - E la vesès, d'amour emplido, - Que nado tant que pòu pèr ié faire un poutoun. - E, tant que pòu, se desfrisouno - De l'embuscun que l'empresouno"...

Usanço :
Li fueio sarien manjado dins l'Asìo dóu levant.

Port : Erbo
Taio : 20 à 60 cm
Fueio : costo paralèlo
Tipe bioulougico : Idroufite
Cicle bioulougico : Planto renadivo

Gènre : Vallisneria
Famiho : Hydrocharitaceae

Coulour de la flour : Verdo
Petalo : 3
Ø (o loungour) enflourejado : 0,5 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Aigo - Ribiero - Roubino
Estànci : Termoumediterran à Mesoumediterran
Couroulougi : Subretroupicalo
Ref. sc. : Vallisneria spiralis L., 1753

Esporobole(-di-flour-escoundudo)

Sporobolus cryptandrus

Poaceae Graminaceae

Nom en français : Sporobole à fleurs cachées.

Descripcioun :
Aquesto planto, que nous vèn de l'uba de l'Americo, a planta caviho dins quàuqui relarg sablous en ribo de Rose. Trachis en fin d'estiéu e flouris à l'autouno. Se recounèis à soun port un pau coucha, e à sa lengueto facho de péu (fotò). Lis espigueto fan de 1,5 à 2,5 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 1 m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Sporobolus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 10 à 15 cm
Flourido : Estiéu - Autouno

Sòu : Ca
Autour basso e auto : 0 à 200 m
Aparado : Noun
Setèmbre-óutobre

Liò : Ribiero - Sablo - Lono
Estànci : Mesoumediterran à Coulinen
Couroulougi : Óurigino Americo-Nord
Ref. sc. : Sporobolus cryptandrus (Torr) A.Gray, 1848

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vallisneria spiralis & Sporobolus cryptandrus

ges

Coumpara Erbo-di-frisoun emé uno autro planto

Coumpara Esporobole(-di-flour-escoundudo) emé uno autro planto